Roza (Sawm) ek ahem ibadat hai jo Ramadan ke mahine mein Farz hoti hai. Lekin, kai logon ko yeh samajhne mein mushkil hoti hai ke kin cheezon se roza toot jata hai aur kin se nahi. Is article mein hum tamam aham FAQs ka jawab denge jo aksar logon ke zehan mein aati hain.
Roza Kis Cheez Se Toot Jata Hai?
1. Bhool Kar Khane Ya Peene Se Roza Toot Jata Hai?
Nahi, agar koi shakhs bhool kar khana ya peena kha le to uska roza nahi toota. Yeh Allah ki taraf se ek inayat hai. Lekin jaise hi yaad aaye, foran ruk jana chahiye.
2. Jaan Bujh Kar Khane Ya Peene Se Roza Toot Jata Hai?
Haan, agar koi shakhs jaan bujh kar kuch kha ya pee le to uska roza toot jata hai aur usay qaza karni hogi.
3. Paani Ya Koi Aur Cheez Ghalti Se Gale Mein Chale Jane Se Roza Toot Jata Hai?
Agar ghalti se paani ya koi cheez galay mein chali jaye (jaise ghusl karte waqt) to roza nahi tootega. Lekin jaan bujh kar kuch nighelnay se roza toot jata hai.
4. Injection Lagwane Se Roza Toot Jata Hai?
- Agar injection ghiza (nutrition) dene ke liye ho, to roza toot jata hai.
- Agar sirf dawa ka injection hai jo nutrition provide nahi karta, to roza nahi tootega.
5. Khoon Dene Se Roza Toot Jata Hai?
Nahi, agar koi shakhs khoon de to uska roza nahi tootega. Lekin agar ziada kamzori mehsoos ho to ihtiyat karni chahiye.
6. Vomiting (Qay) Se Roza Toot Jata Hai?
- Agar koi apni marzi se jaan bujh kar qay kare, to roza toot jata hai.
- Agar ghalat se qay ho jaye, to roza nahi tootega.
7. Miswaak Ya Toothbrush Istemaal Karne Se Roza Toot Jata Hai?
- Miswaak ka istemal bilkul jaiz hai aur roza nahi tootega.
- Toothpaste agar istemal karein aur wo galay ke andar chali jaye to roza toot sakta hai.
8. Biwi Ya Shauhar Ka Ek Dusre Ko Choona Ya Chumna Roza Tod Deta Hai?
- Agar sirf choona ya chumna ho aur is se aage koi ghalti na ho to roza nahi tootega.
- Agar galat dekhne ya chumne se shahwat barh jaye & Handpractice se sperm (mani) nikal jaye to roza toot jayega.
- Lekin agar nightfall ho jaye to roza nahi tootega, ghusl karna zaruri hai.
9. Balgam/balgat Ya Thook Nighalne Se Roza Toot Jata Hai?
Nahi, agar koi shakhs apni thook ya balgat (jo munh ke andar hi hoti hai) nighal le, to roza nahi tootega.
10. Haiz (Mahvari) Ya Nifas Aane Se Roza Toot Jata Hai?
Haan, agar kisi aurat ko mahvari ya nifas aa jaye, to uska roza toot jata hai aur usay baad mein qaza karni hogi.
11. Roza Kin Cheezon Se Toot Jata Hai?
Roza un cheezon se toot jata hai jo intentional aur directly roza ko nullify karti hain, jaise ke:
- Jaan bujh kar khana, peena.
- Jismani taluqat (intercourse, hand practice).
- Nutrition wala injection lena.
- Jan bujh kar qay karna.
12. Kya Brush Karne Se Roza Toot Jata Hai?
Agar toothpaste ka maada galay ke andar chala jaye, to roza toot sakta hai. Miswak ka istemal behtar hai.
13. Kya Blood Dene Se Roza Toot Jata Hai?
Agar bood dene se insan kamzor mehsoos kare aur uska roza mukammal rakhna mushkil ho, to roza tor kar baad mein qaza karni chahiye.
14. Kya Dream Me Sperm Aane Se Roza Toot Jata Hai?
Nahi, agar ye neend mein ho, to roza baki rehta hai. Lekin ghusl karna zaroori hai.
15. Kya Nahaane Se Roza Toot Jata Hai?
Nahi, lekin agar paani andr na jaye to roza nahi toot ta.
16. Kya Nak Mai Dawa Dalne Se Roza Toot Jata Hai?
Haan, agar ye gala tak pohonch jaye to roza toot jata hai.
17. Kya Musht Zani Se Roza Toot Jata Hai?
Haan, agar shahwat ki wajah se mani nikal aaye, to roza toot jata hai aur qaza lazmi hai.
18. Kya Sex Karne Se Roza Toot Jata Hai?
Ji haan, aur kaffara bhi lazmi hota hai.
19. Kya Khaani Khane Se Roza Toot Jata Hai?
Haan, kyunki yeh muh se andar jati hai aur ghizaai cheezon mein shumar hoti hai.
20. Kya Ulti Aane Se Roza Toot Jata Hai?
- Agar ulti apne aap aaye, to roza nahi toot ta.
- Magar agar jaan bhooj kar ulti karayi jaye, to roza toot sakta hai.
21. Kya baal cut karne se roza tootaa hai? (Does cutting hair break the fast?)
No, cutting hair during fasting hours does not break the fast. It is permissible to cut or trim hair while fasting, as it does not involve consuming anything or engaging in any activity that invalidates the fast.
22 . Kya naakhun kaatne se roza tootaa hai? (Does cutting nails break the fast?)
No, cutting nails does not break the fast. It is allowed to cut nails during fasting hours, as it does not affect the validity of the fast. However, it is recommended to maintain personal hygiene and grooming outside of fasting hours if possible, to avoid any distractions from the spiritual focus of Ramadan.
Roza Todne Ka Kaffara Kya Hai?
Agar koi bina kisi valid wajah ke roza todta hai to usay:
- 60 gareebon ko khana khilana.
- Ya musalsal 60 roze rakhna hoga.
Nateeja (Conclusion)
Roza ek azeem ibadat hai jo sirf bhook aur pyaas se bachne ka naam nahi, balki nafs ko control karne aur Allah ki raza hasil karne ka ek tareeqa hai. Upar diye gaye FAQs aapki madad karenge taake aap apne roze ki hifazat kar sakein aur kisi ghalti se bach sakein.
Agar aapke zehan mein koi aur sawal ho to zaroor poochain!
